Молитвенное правило

Геннадiя Салабина

Во имя Отца, и Сына, и Святаго Духа. Аминь.

Господи, Iисусе Христе, Сыне и Слове Божiй, милостивъ буди ми грѣшнаму. (3)

Господи, Iисусе Христе, Боже нашъ, молитвъ ради Пречистыя Твоея Матерѣ и всѣхъ святыхъ, помилуй насъ. Аминь.

Слава Тебѣ, Боже нашъ, Слава Тебѣ.

Царю Небесный, Утѣшителю, Дýше истины, Иже вездѣ сый и вся исполняй, Сокровище благихъ и жизни Подателю., прiиди и вселися въ ны, и очисти ны отъ всякiя скверны, и спаси, Блаже, души наша.

Святый Боже, Святый Крѣпкiй, Святый Безсмертный, помилуй насъ.  (3)

Слава Отцу и Сыну и Святому Духу, и нынѣ и присно и во вѣки вѣковъ.  Аминь.

Пресвятая Троице, помилуй насъ;  Господи, очисти грѣхи наша;   Владыко, прости беззаконiя наша;  Святый, посѣти и исцѣли немощи наша, имене Твоего ради.

Господи, помилуй. Господи, помилуй. Господи, помилуй.

Слава Отцу и Сыну и Святому Духу, и нынѣ и присно и во вѣки вѣковъ. 

Отче нашъ, Иже еси на небесехъ! Да святится имя Твое, да прiидетъ Царствiе твое, да будетъ воля Твоя, яко на небеси, и на земли. Хлѣбъ нашъ насущный даждь намъ днесь;  и остави намъ дóлги наша, якоже и мы оставляемъ должникóмъ нашимъ;  и не введи насъ во искушенiе, но избави насъ отъ лукаваго.

Господи, Iисусе Христе, Боже нашъ, услыши мя, недостойнаго раба Твоего  Геннадiя, и при́зри на мене и на чадъ моихъ, Ростислава, Елену, Андрея, вразуми насъ, Боже;  и помяни во Царствiи Твоемъ, Господи, усопшихъ рабъ Твоихъ, родителей моихъ Серафима и Тамару; убiенныхъ и умученныхъ воиновъ и жителей Новорóссiи, Сирiи и Сербiи, Господи, помилуй;  и уврачуй, Господи, болѣзни земныя Церкви Твоея, яко благъ и человѣколюбецъ! Слава Отцу и Сыну и Святому Духу, и нынѣ и присно и во вѣки вѣковъ.  Аминь.

Пресвятая Богородице, спаси нас. Пресвятая Богородице, спаси нас.

 Пресвятая Богородице, спаси нас.

О всесвятый Никóлае, угодниче преизрядный Господень, теплый нашъ заступниче и вездѣ въ скорбехъ скорый помощниче! Помози ми, грѣшнаму и уныламу, въ настоящемъ семъ  житiи: умоли Господа Бога даровати ми оставленiе всѣхъ моихъ грѣховъ, елико согрѣшихъ отъ юности моея, во всемъ житiи моемъ, дѣломъ, словомъ, помышленiемъ и всѣми моими чувствы: и во исходѣ души моея помози ми окаянному, умоли Господа Бога, всея твари Содѣтеля, избавити мя воздушныхъ мытарствъ и вѣчнаго мученiя: да всегда прославляю Отца и Сына и Святаго Духа, и твое милостивное предстательство,

нынѣ и присно и во вѣки вѣковъ.  Аминь.

О великiй угодниче Христовъ, страстотерпче и врачу многомилостивый, Пантелеи́моне! Умилосердися надо мною, грѣшнымъ рабомъ, услыши стенанiе и вопль мой,         умилостиви Небеснаго верховнаго Врача душъ и телесъ нашихъ, Христа Бога нашего, да даруетъ ми исцѣленiе отъ недуга, мя гнетущаго.                                                             Прiими недостойное моленiе грѣшнѣйшаго паче всѣхъ человѣкъ. Посѣти мя благодатнымъ посѣщенiемъ. Не возгнушайся грѣховныхъ язвъ моихъ, помажи ихъ елеемъ милости твоея и исцѣли мя: да здравый душею и тѣломъ, остатокъ дней моихъ, благодатiю Божiею, возмогу провести въ покаянiи и угожденiи Богу и сподоблюся воспрiяти благiй конецъ житiя моего.                                                                                           Ей, угодниче Божiй! Умоли Христа Бога, да предстательствомъ твоимъ                           даруетъ здравiе тѣлу моему и спасенiе души моея.  Аминь.

О святый архангеле Рафаиле! Всеусердно молимъ тя, буди намъ путеводитель въ жизни нашей, сохрани отъ всѣхъ видимыхъ и невидимыхъ врагъ, исцѣли душевныя и телесныя болѣзни наша, управи жизнь нашу къ покаянiю во грѣсѣхъ и ко творенiю добрыхъ дѣлъ.  О святый великiй Рафаиле Архангеле! Услыши насъ, грѣшныхъ рабъ Божiихъ Геннадiя со чадами и сродники, молящихся тебѣ, и сподоби въ здѣшней и въ будущей жизни благодарити и славити общаго Создателя нашего въ безконечные вѣки вѣковъ. Аминь.

Ангеле Божiй, хранителю мой святый! Животъ мой соблюди во страсѣ Христа Бога, умъ мой утверди во истиннемъ пути и къ любви горней уязви душу мою: да съ тобою направляемъ, получу у Господа Христа Бога моего велiю милость. Аминь.

О святiи всехвальнiи апостолы Господни! Святiи новомученики и исповедники Россiйскiе! Святiи царственнiи великомученики за Христа и Россiю! Святый преподобне Сергiе Радонежскiй! Святый преподобне Александре Свирскiй!  Святый преподобне Спиридоне Тримифунтскiй! Святый священномучениче патрiарше Ермогене! Святый преподобномучениче Иосифе Монреальскiй! Святый воине Христове Евгенiе! Святый преподобне Серафиме Саровскiй! Святый преподобне Серафиме Вырицкiй! Святый праведне Iоанне Кронштадтскiй! Святая блаженная Ксенiе Петербургская, и вси святiи мученики, угодники, избранники Божiи! Молите Бога за насъ и за Отечество наше Россiйское, за всю Землю Русскую, за всѣхъ православныхъ христiанъ и за мене недостойнаго раба Божiя Геннадiя, со чадами Ростиславомъ, Еленой, Андреемъ, о ихъже здравiи, вразумленiи и благословенiи молю Господа Iисуса Христа, Бога нашего, о здравiи болящихъ рабъ Божiихъ Зинаиды, Зои, Валентины, Лидiи, Василiя, Станислава, Николая, Андрея, Бориса, Александра, Олега,  рабъ Божiихъ Михаила, Олега, Александра, Александра, Александра, Константина, Алексiя, Нины, Галины, христолюбивыхъ воиновъ Новороссiи,  Сирiи и Сербiи, Анны, Владимира, Бориса, Ирины, Ирины, о здравiи всѣхъ воиновъ Христовыхъ, о возставленiи державы Россiйской и о дáрованiи Землѣ Русской православнаго Царя-Избáвителя.  Аминь.

Достойно есть, яко воистину блажити тя, Богородицу, присноблаженную и Пренепорочную и Матерь Бога нашего. Честнѣйшую херувимъ и слáвнѣйшую безъ сравненiя серафимъ, безъ истленiя Бога Слова рождшую, сущую Богородицу Тя величаемъ.

Слава Отцу и Сыну и Святому Духу и ныне и присно и во вѣки вѣковъ.  Аминь.

(Конецъ первой книги)